തിരുനെല്ലി :
മാനന്തവാടിക്കടുത്താണു തെക്കന്‍ കാശി ദക്ഷിണഗയ എന്നെല്ലാം അറിയപ്പെടുന്ന തിരുനെല്ലി ക്ഷേത്രം.ഗയയില്‍ വിഷ്ണുവിനെയും കാശിയില്‍ ശിവനെയും തൊഴുതാല്‍ കിട്ടുന്ന ഐശ്വര്യം ഇവിടെ വന്നാല്‍ കിട്ടുമത്രെ.വടക്ക്‌ ബ്രഹ്മഗിരി,കിഴക്ക്‌ ഉദയഗിരി,തെക്ക്‌ നരിനിരങ്ങി മല,പടിഞ്ഞാറു കംബ മല.ഈ 4 മലകളുടെയും നടുക്കായിട്ടാണു ഈ ക്ഷേത്രം.
ലോകത്തിനെ രക്ഷിക്കുന്നതിന്‍ ഒരു ഹംസമായി എത്തിയ ബ്രഹ്മാവ്‌ ഒരു നെല്ലി മരത്തില്‍ വിഷ്ണുവിന്റെ രൂപം കണ്ടെന്നും അവിടെ വിഷ്ണുപ്രതിഷ്ട നടത്തണം എന്ന അശരീരി കേട്ട്‌ വിഷ്ണുപ്രതിഷ്ട നടത്തി എന്നും ആണ്‍ ഐതിഹ്യം.ഈ നെല്ലിയുമായി ബന്ധപ്പെട്ടാണത്രെ തിരുനെല്ലി എന്ന് ഈ സ്ഥലത്തിനു പേരു വന്നത്‌.
ക്ഷേത്രതിനടുത്തായിട്ടാണു പഞ്ചതീര്‍ഥ തടാകം.ഇതിനു നടുക്ക്‌ മഹാവിഷ്ണുവിന്റെതെന്നു പറയപ്പെടുന്ന കാലടികള്‍ കാണാം.ഈ പാറയില്‍ വച്ചാണു വിഷ്ണു ബ്രഹ്മാവിനു ഉപദേശം കൊടുത്തതത്രെ.
കുറച്ചു കൂടെ അകലെ ആണു പാപനാശിനി പുഴ.കാട്ടിനു നടുവില്‍ ആണിത്‌.ബ്രഹ്മഗിരിയില്‍ നിന്നാണു പാപനാശിനി ഉല്‍ഭവിക്കുന്നത്‌.ഈ പുഴയിലാണൂ പിണ്ഡപ്പാറ, ഇവിടെയാണു മരിച്ചവര്‍ക്കായി പിണ്ഡം വയ്ക്കുന്നത്‌.
ക്ഷേത്രതിലെക്കാവശ്യമായ വെള്ളം കരിങ്കല്‍ പാത്തി വഴി പാപനാശിനിയില്‍ നിന്നും ആണു എടുക്കുന്നത്‌.
ഐതിഹ്യങ്ങള്‍ ഒരുപാടുണ്ട്‌ ഈ ക്ഷെത്രതിനെ ചുറ്റിപ്പറ്റി.എന്തൊക്കെ ആയാലും മലകളാലും പുല്‍മേടുകളാലും അരുവികളാലും ചുറ്റപ്പെട്ട ശാന്തസുന്ദരമായ ഈ ക്ഷേത്രത്തില്‍ വന്ന് ഒന്ന് തൊഴുതിട്ടു പോകൂ..മനസില്‍ സന്തൊഷവും സമാധാനവും താനേ വന്നു നിറയും.
തിരുനെല്ലിക്കടുത്തു തന്നെ ആണു പക്ഷിപാതാളം ഉള്ളത്‌..പക്ഷെ ഇവിടെക്കു പോകണം എങ്കില്‍ പ്രത്യെക അനുമതി വാങ്ങണം.പേരുപോലെ തന്നെ പലവിധതിലുള്ള പക്ഷികളുടെ ഒരു വിഹാരകേന്ദ്രം ആണിവിടെ
Subscribe to:
Post Comments (Atom)
1 comment:
വിവരണങ്ങള്‍ കൂടുതല്‍ ഹൃദ്യമാകുന്നു. തുടരുക.
:)
Post a Comment