എന്റെ നാട്‌ -8

മുത്തങ്ങ വന്യ ജീവി സങ്കേതം

പേരു കെട്ടു പേടിക്കണ്ട.ഇപ്പൊ ഇവിടെ പ്രശ്നങ്ങള്‍ ഒന്നും ഇല്ല :)ധൈര്യമായി വന്നോളൂ..ഇവിടെയാണു നിങ്ങള്‍ പറയാറുള്ള കാടും കാട്ടുജീവികളും സുഖമായി താമസിക്കുന്നത്‌..സുല്‍ത്താന്‍ ബത്തേരിയില്‍ നിന്നും എകദേശം 5 കിലോമീറ്റര്‍ ഉണ്ട്‌ ഇവിടേക്ക്‌..കാട്ടിനുള്ളിലേക്ക്‌ ജീപ്പ്‌ സര്‍വീസ്‌ ഉണ്ട്‌.ആന,കാട്ടുപോത്ത്‌,മാന്‍,മയില്‍,കടുവ,കരടി,അപൂര്‍വ ഇനം പക്ഷികള്‍..അങ്ങനെ ഒരുപാടു ജീവികള്‍ ഉണ്ട്‌ ഈ വനത്തില്‍..പക്ഷെ പോകുന്ന വഴിക്ക്‌ ഇന്നാ കണ്ടോ എന്നൊന്നും പറഞ്ഞ്‌ ഈ ജീവികള്‍ വന്നു നിന്നു തരില്ലാട്ടൊ.യോഗം ഉണ്ടേല്‍ കാണാം..അത്രയെ എനിക്ക്‌ ഗ്യാരണ്ടി തരാന്‍ പറ്റൂ. :)


സൂചിപ്പാറ വെള്ളച്ചാട്ടം

തടാകവും,ദ്വീപും,കാടും ഒക്കെ കറങ്ങി..ഇനി ഒരു വെള്ളചാട്ടം ആയാലോ? കുറച്ച്‌ സാഹസികത ഇഷ്ടപ്പെടുന്നവരാണു നിങ്ങള്‍ എങ്കില്‍ തീര്‍ച്ചയായും ഇവിടെ വന്നിരിക്കണം..ആദ്യം കുറെ തേയില തോട്ടങ്ങള്‍..അതുകഴിഞ്ഞ്‌ 2 കിലോമീറ്റര്‍ കൊടുംവനത്തിലൂടെ യാത്ര..ഒന്ന് ആലോചിച്ചു നോക്കൂ..ഇപ്പൊ തന്നെ ഒന്നു വന്നാലോന്ന് തോന്നുന്നുണ്ടോ??വനത്തിലൂടെ ചുമ്മാ നടക്കുവല്ല..പാറക്കെട്ടുകള്‍ താണ്ടി വെണം എത്താന്‍. ദൂരെ നിന്നു തന്നെ സുന്ദരിയായ ഈ വെള്ളച്ചാട്ടം കാണാം..ഇനി ഈ വെള്ളചാട്ടതിന്റെ അടിയില്‍ വന്നു നിന്നു നീന്താനും,കുളിക്കാനും കൂടെ പറ്റും എന്നു പറഞ്ഞാലോ...:)

എന്റെ നാട്‌ -7

കുറുവ ദ്വീപ്‌:

ദ്വീപോ എന്നാണൊ?? അതെയ്‌ ദ്വീപു തന്നെ.ഒരെണ്ണം അല്ല.. 3 എണ്ണം ഉണ്ട്‌..കബനി നദി രണ്ടായി പിരിഞ്ഞ്‌ അതിന്റെ ഇടയില്‍ ആയിട്ടാണു മനോഹരമായ ഈ ദ്വീപ്‌(950 acres!!!).നദി കടന്നു വേണം ഇവിടെ എത്താന്‍.പ്രശാന്തസുന്ദരമായ സ്ഥലം.അപൂര്‍വ ഇനം പക്ഷികളെയും സസ്യങ്ങളെയും ഒക്കെ ഇവിടെ കാണാം.


പഴശ്ശി കുടീരം:

ബ്രിട്ടീഷ്കാര്‍ക്കെതിരെ ധീരമായി പോരാടി വീരമൃത്യു വരിച്ച \'കേരളത്തിന്റെ സിംഹം\' പഴശ്ശി രാജാവിനെ അടക്കം ചെയ്തിരിക്കുന്നത്‌ ഇവിടെയാണു.