എന്റെ നാട് -3

ചങ്ങല മരം :

ഇതെന്തു മരം ആണെന്നാരിക്കും അല്ലെ??? പറയാം....

ചുരം കയറി നമ്മള്‍ എത്തുന്നത്‌ ലക്കിടിയില്‍ ആണു..അവിടുന്നു കാഴ്ചകള്‍ ഒക്കെ കണ്ടു അങ്ങനെ പോകുന്ന വഴിക്കാണു ചങ്ങല മരം...നോക്കി ഇരുന്നില്ലെല്‍ മിസ്സ്‌ ചെയ്യും... ഒരു വലിയ മരത്തെ ചങ്ങല കൊണ്ടു ബന്ധിച്ചിരിക്കുന്നു...

ഇനി ഇതിനു പിന്നിലുള്ള കഥ ഇങ്ങനെയാണു.....

പണ്ട്‌ വയനാട്‌ എത്തിചേരാനുള്ള വഴി പുറം ലോകത്തിനു അപരിചിതമായിരുന്നു..എങ്ങനെ വഴി കണ്ടു പിടിക്കുമെന്നാലൊചിച്ച്‌ തല പുകച്ചു കൊണ്ടിരിക്കുമ്പോളാണു ഒരു ബ്രിട്ടീഷ്‌ എഞ്ജിനീയര്‍ കരിന്തണ്ടന്‍ എന്ന ഒരു ആദിവാസി യുവാവിനെ കണ്ടുമുട്ടുന്നത്‌..അയാളെ പറഞ്ഞു മയക്കി സായിപ്പ്‌ വളരെ ദുര്‍ഘടം പിടിച്ച കാട്ടു വഴികള്‍ താണ്ടി ലക്കിടി എത്തി..അവിടെ എത്തിയപ്പൊള്‍ സായിപ്പിനു തോന്നി ഈ വഴി കണ്ടുപിടിച്ച ക്രെഡിറ്റ്‌ മുഴുവന്‍ സ്വയം അങ്ങ്‌ എടുക്കണമ്ന്ന്...പിന്നെ സായിപ്പ്‌ ഒന്നും ആലോചിച്ചില്ല...അയാളെ കൊന്നു...കരിന്തണ്ടന്റെ ആത്മാവു പക്ഷെ വെറുതെ ഇരുന്നില്ല...അതിനുശേഷം ആ വഴി പോയവരെ ഒക്കെ ഉപദ്രവിക്കാന്‍ തുടങ്ങി.അപകടങ്ങള്‍ പതിവായി..അവസാനം ഒരു മന്ത്രവാദി എത്തി തളയ്ച്ചിട്ടതാണു ഈ ചങ്ങലയില്‍..അതിനു ശേഷം അപകടങ്ങള്‍ കുറഞ്ഞത്രെ..ഇതാണു കഥ...

ചങ്ങല മരം പിന്നിട്ട്‌ യാത്ര തുടരാം..അടുത്തത്‌ നമ്മളെ കാത്തിരിക്കുന്നതു മനോഹരമായ ഒരു തടാകം ആണു..